Хадамоти матбуоти
08.02.2024 15:48:49
Санаи 2 феврали соли 2024 дар вазорати молияи Ҷумҳурии Тоҷикистон таҳти раёсати вазири молия – Қаҳҳорзода Файзиддин Саттор дар ҳамкорӣ бо Бонки миллии Тоҷикистон ҷиҳати иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки 28 декабри соли 2023 дар Паём ба Маҷлиси Олии мамлакат ироа гардиданд, ҷаласаи корӣ сурат гирифт.
Дар кори ҷаласа раиси Бонки миллии Тоҷикистон Толибзода Ф., муовини вазири рушди иқтисод ва савдо Восидиён Ф., муовини якуми раиси кумитаи андоз Солеҳзода А., муовини раиси Раёсати ҶСК “Ориёнбонк” Сулаймонбеков Р., раиси Раёсати ҶСК “Тавҳидбонк” Зардов Ш., раиси КВД БА ҶТ “Амонатбонк” Салимзода А., раиси Раёсати ҶСП “Бонки байналмилалии Тоҷикистон” Раҷабов И., раиси Раёсати КВД БССТ “Саноатсодиротбонк” Бобозода Ҳ., раиси Раёсати ҶСП “Душанбе Сити Бонк” Ақдодов Х., раиси Раёсати ҶСК “Алиф Бонк” Гуланор А., инчунин роҳбарони дигар бонкҳо ва ташкилотҳои амонатии қарзӣ иштирок намуданд.
Дар аснои ҷаласа аз ҷониби мутахассисони дахлдори вазорати молия рӯнамо оид ба таҷрибаи давлатҳои ҳамсоя ва шарикони асосии тиҷоратии кишвар дар самти рушди ҳисоббаробаркуниҳои ғайринақдӣ манзур гардида, ҳамзамон вобаста ба масъалаи баррасии роҳҳои вусъат додани ҳисоббаробаркуниҳои ғайринақдӣ дар иқтисодиёти мамлакат мутобиқ ба таҷрибаи байналмилалӣ мубодилаи афкори судманд сурат гирифт.
Powered by Froala Editor